都唔知由幾時開始, 馬會無厘頭係要將「安田記念」後加個「賽」字上去.

這年, 個天玩馬會一鑊.

當直播跑至將近轉第四彎, 衞星訊號故障令畫面中斷.......

全港馬迷立即噓到九彩~~~~~

果刻我呆左後, 跟住大笑.....

雖然當時好鬼緊張 ----- 究竟Deep Sky 直路係咪追Vodka?! Company有沒機會爆冷腳產入來......

到有畫面回復那一刻, 第一眼睇到係Company在大外檔, 而因為一早較左英語旁述, 講走位的人兄大叫Deep Sky, 這時才將視線移番內欄.......好意外, Deep Sky走甩...

接著的結果, 唔駛多講.......

真係無話可說.  

之前Vodka 在杜拜演出俾我想像中差, 斷估牠的戰鬥力開始跌watt, 但返到本土miler的水準仍然停滯, 至少在牝馬群當中仍然一技獨秀.

哈哈, 諗到呢度好似打機 --- 出去唔夠跑, 留返在本土屈機.

幕後已決定跑埋今年便退役, 掃得幾多G1得幾多.

哈, 萬一Vodka呢場有失, 武生肯定又受盡千夫所指,產到上天花板.

阿蔡一對都跑得好, 勝眼光入直路不久原來一度大約在三,四位, 好利威或許因初戴眼罩關係, 早段顯得頗急.

幾有興趣知當Vodka 退役後, 會安排那一匹種馬來產下第一胎.

到時無論生牡馬或牝馬, 身價真係要無限金錢至搞得掂.

由靳能出策的Sea The Stars 繼上賽贏取2000 Guineas後再下一城.

養馬養到有呢個成績, 可謂有今生無來世.

講既係香港馬主崔寶榮先生, Sea The Stars的母系Urban Sea屬他名下, N年前在冼毅力跨下贏凱旋門大賽.

Urban Sea退役後,也曾產下Gailieo (天文學家), 巧合地兩匹子嗣俱在靳能主策下贏Epsom Derby!!!!!!

Sea The Stars的馬主, 是崔先生個仔, 綵衣仍以黃紫為主.

打機都難, 莫講話現實, 所以好難得.

重播可看以下條link.

http://www.youtube.com/watch?v=W0kSu_M0qEM

下仗跑唔跑 King George 呢?!